ബ്രിട്ടീഷ് നാണയങ്ങളിലെ എലിസബത്ത് രാജ്ഞിയുടെ ചിത്രങ്ങള്‍
ബ്രിട്ടീഷ് രാജാവായിരുന്ന ജോര്‍ജ് ആറാമന്റെ മരണത്തെത്തുടര്‍ന്ന്, 1952 ഫെബ്രുവരിയില്‍ എലിസബത്ത് രാജകുമാരിയെ ബ്രിട്ടണ്‍ രാജ്ഞിയായി അവരോധിച്ചെങ്കിലും, ഔദ്യോഗിക ദുഖാചരണം കഴിഞ്ഞ്, 1953 ജൂണ്‍ രണ്ടാം തിയതി (16 മാസങ്ങള്‍ക്ക് ശേഷം) ആണ് കിരീടധാരണം നടന്നത്.
അതേ വര്‍ഷം തന്നെ എലിസബത്ത് രാജ്ഞിയുടെ ചിത്രം ആലേഖനം ചെയ്ത നാണയങ്ങള്‍ പുറത്തിറങ്ങി.
ഇന്ന് വരെ പ്രചാരത്തിലുള്ള ബ്രിട്ടീഷ് നാണയങ്ങളില്‍ രാജ്ഞിയുടെ 5 ചിത്രങ്ങള്‍ ആലേഖനം ചെയ്തിട്ടുണ്ട്.
1. 1953 ല്‍ മേരി ഗില്ലിക് (Mary Gillick) എന്ന ശില്പി രൂപകല്പന ചെയ്ത ചിത്രം.
2. 1968 ല്‍ അര്‍നോള്‍ഡ് മാക്കിന്‍ (Arnold Machin) രൂപകല്പന ചെയ്ത ചിത്രം.
3. 1985 ല്‍ റഫായേല്‍ മകൗഫ് (Raphael Maklouf) രൂപകല്പന ചെയ്ത ചിത്രം.
4. 1998 ല്‍ ഇയാന്‍ റാങ്ക് - ബ്രോഡ്ലെ (Ian Rank - Broadley) രൂപകല്പന ചെയ്ത ചിത്രം.
5. 2015 ല്‍ ജോഢി ക്ലാര്‍ക്ക് (Jody Clark) രൂപകല്പന ചെയ്ത ചിത്രം.
