1935 ല്‍ ഇംഗ്ലണ്ടില്‍ അച്ചടി പൂര്‍ത്തിയാക്കിയ ഈ ഒരു രൂപ കറന്‍സി

1935 ല്‍ ഇംഗ്ലണ്ടില്‍ അച്ചടി പൂര്‍ത്തിയാക്കിയ ഈ ഒരു രൂപ കറന്‍സി, ഇന്‍ഡ്യയില്‍ വിതുരണത്തിന് എത്തുന്നതിന് മുമ്പ് 1936 ജനുവരി 20 ന് ജോര്‍ജ് അഞ്ചാമന്‍ രാജാവ് അന്തരിക്കുകയും, എഡ്വര്‍ഡ് എട്ടാമന്‍ ഭരണം ഏല്‍ക്കുകയും ചെയ്തു. ശേഷം ഉടലെടുത്ത ഭരണഘടന പ്രതിസന്ധിയെ തുടര്‍ന്ന് 1936 ഡിസംബര്‍ 11ന് അദ്ദേഹം സ്ഥാനത്യാഗം ചെയ്തു. 1937 മേയ് 12ന് ജോര്‍ജ് ആറാമന്റെ കിരീടധാരണം നടന്നു. യൂറോപ്പില്‍  രണ്ടാം ലോകമഹായുദ്ധം ഉരുണ്ട് കൂടുന്ന സാഹചര്യത്തില്‍, ഇന്‍ഡ്യയിലേക്ക് പുതിയ നോട്ടുകള്‍ അച്ചടക്കുന്നതിന് പകരം, അച്ചടി പൂര്‍ത്തിയാക്കി ഇംഗ്ലണ്ടില്‍ ബാങ്ക് ലോക്കറില്‍ സൂക്ഷിച്ചിരുന്ന ജോര്‍ജ് അഞ്ചാമന്റെ ചിത്രം ആലേഖനം ചെയ്തിരുന്ന ഈ നോട്ടുകള്‍ തന്നെ 1940 ജൂലയ് 24 ന് ഇന്‍ഡ്യയില്‍ പുറത്തിറക്കി.

ജോര്‍ജ് ആറാമന്റെ ചിത്രം ആലേഖനം ചെയ്ത ആദ്യ നോട്ടുകള്‍ 1945 ലാണ് അച്ചടിച്ചതെങ്കിലും 1940 എന്ന വര്‍ഷമാണ് അതില്‍ രേഖപ്പെടുത്തിയിരുന്നത്.